Жорий йилнинг 1–10 декабрь кунлари пойтахтимиздаги “Анҳор” боғида ўзига хос ва ширин байрам — “Асал байрами” ва асаларичилик маҳсулотлари кўргазма-ярмаркаси бўлиб ўтади!
Бу тадбир нафақат асал маҳсулотлари ишқибозлари учун, балки соғлом турмуш тарзи тарафдорлари, инновация ва асаларичилик соҳасига қизиқувчилар учун ҳам катта имкониятдир.
Бу ерда сиз юртимизнинг барча ҳудудларидан келтирилган сифатли ва турли хилдаги асал ҳамда асаларичилик маҳсулотлари билан танишишингиз мумкин. Шунингдек, хорижий мутахассислар иштирокида ўтадиган халқаро конференциялар, илмий-амалий семинарлар ва соҳадаги замонавий технологиялар намойиши сизга жуда қизиқарли бўлиши аниқ.
Бу ҳаммаси эмас! Кўргазма доирасида қизиқарли танловлар, асаларичилар ўртасида тажриба алмашиш, ёшлар учун кўнгилочар тадбирлар ҳам ўтказилади.Бу байрам нафақат асалнинг шифобахшлигини, балки асаларичиликнинг иқтисодий ва экологик аҳамиятини англаш учун ажойиб имкониятдир. Тадбирда иштирок этиш учун 1–10 декабрь кунлари “Анҳор” боғига ташриф буюринг! Сизларни шифобахш асал ва илиқ байрам кайфиятида учратишдан мамнун бўламиз, деб ҳабар бермоқда Ўзбекистон Савдо-саноат палатасининг расмий телеграмм-канали.
